Dje është zhvilluar Parada e Krenarisë e komunitetit LGBTI, në sheshin “Skënderbeu” në Prishtinë.
Kësaj parade i është bashkuar tani edhe kryeministri Albin Kurti, i cili gjatë ditës kishte qëndruar në Prizren në shënimin e 145 vjetorin e Lidhjes së Prizrenit. Po ashtu, krah Kurtit është edhe ministri i Shëndetësisë Arben Vitia.
Kryeministri Kurti ka dalë për herë të parë në një Paradë Krenarie.
Ndërsa, me një pankartë “Diplomatët për barazi”, paradës iu kanë bashkëngjitur edhe ambasadorët e huaj në Kosovë si ai i Francës, Oliver Guerot dhe shefi i Zyrës së BE-së, Tomas Szunyog.
Kreu i ekzekutivit kosovar ka thënë se beson në të drejtat e njeriut dhe sipas tij, të gjithë duhet të jenë të barabartë.
“Besoj në të drejtat e njeriut. Besoj se të gjithë duhet të jemi të barabartë. Secili duhet të ketë të mbrojtur dinjitetin dhe integritetin. Shpreh indinjatën time për numër të madh të abuzimeve, kërcënimeve e diskriminimeve që përjeton ky komunitet”, është shprehur Kurti.
j.l./ dita
