A ka Shqipëria mbrojtje? Aleancat nuk janë OJF-ra, por marrëveshje ekzistenciale!

Nga Bardhyl Ermini (Bejo)

Nuk kemi se si t’i “shpëtojmë” ballafaqimit të situatës ndërkombëtare me forcën tonë të mbrojtjes. Them se është një çështje ekzistence, një problem kaq i madh, sa në praktikën tonë jo vetëm shtetërore por edhe sociale, fatkeqësisht duket sikur kjo nuk ekziston, nuk ka të bëjë me ne. E kjo është katastrofike.

Fakti që sot SHBA, thuajse po e deklaron fare hapur fundin e NATO, ndërkohë që te ne një shumicë vazhdojnë e mendojnë se “na mbron NATO”, tregon fare hapur se jemi një shtet, në të vërtet një shtet formal, që nuk po dimë se ku mbështetemi. Jemi një shtëpi pa portë e pa dritare. Sot forcat tona të armatosura përbëhen nga afro 8 mijë trupa, ndërkohë që specialistët përcaktojnë se në kushtet e paqes numuri i tyre duhet të ishte minimumi 30 mijë dhe në kushtet e luftës jo më pak se 70 mijë. Të tjerat vijnë në këto proporcione. E cila do të thotë se aktualisht nuk jemi në gjendje ta mbrojmë vendin, dmth shtëpinë tonë. Në çdo rast!

Në fakt unë që shkruaj këto rradhë, nga pikpamja ushtarake jam një injorant “klasik”, që njoh armët të cilat i kemi përdorur dikur në kohën e “zboreve” dhe kam kryer një lloj shërbimi ushtarak, thjeshtë për të kuptuar se çfarë quhet ushtri dhe ushtar. Por ama, jam në gjendje të lexoj dhe kuptoj mirë ato që thonë ekspertët ushtarak shqiptar. Për “kuriozitet”, kanë “mbetur” ende shumë të tillë, të ditur dhe plot mendim, edhe pse Shqipëria jonë e viteve 90-të i hodhi rrugëve me një lloj neverie të turpëshme, të cilën rrezik se do të na duhet ta paguajmë shtrenjtë. Por jo! Na dalin në mes të rrugës “profesorët”, që e dinë se gjithëçka rrotullohet rreth tyre dhe marin kurajo t’i japin rrugë edhe problemeve të luftës e të paqes. Sot Shqipëria është vend i preferuar i “profesorëve, doktorëve e i shkencëtarëve”, e jo injerëzve të cilët përpiqen të punojnë e të jetojnë duke kapërcyer poshtërsitë e politikës edhe idiotësitë e mjaft llojë “parazitëve” që janë të bindur se vetëm ata janë përçuesit e mendimit përparimtar në …. Shqipëri e matanë saj. Biles matanë saj fillimisht e pastaj në Shqipëri.

Çfarë thashë, mendimit përparimtarë? Ja, psh, një profesori i “dashur” (vënde vënde dmth), në përgjigje të situatës politike të krijuar, vete e na kujton se “Enver Hoxha nuk kishte frikë as nga Amerika e as nga Rusia (ish BS), por armatosej e bunkerizohej për ta mbajtur popullin të lidhur për … lepe e peqe”. Në fakt nuk përmend fjalën popullin, por e “përdredh” pak bishtin, thotë popullsinë. Masat, turmat, banorët, mileti, kallaballëku …“yxhym mamlukë” me një fjalë. Dhe pasi vazhdon të hulumtojë e të bëj gallatë me të (me Enverin), del në konkluzionin “superakademik” se “Shqipëria mbrohet vetëm në kuadrin e aleancave të mëdha”. Por ama, e rrotullon dhe e rrotullon fjalinë brenda “laboratorit” të tij dhe nuk e thotë me gojën plot se nuk ka sepse të shqetësohemi për mbrojtjen, për ushtrinë, pasi sido që të bëjmë, ne jemi të vegjël, kaq sa “te ne ka hyrë kush ka dashur”. Dmth që, edhe tani mund të hyjë kush të dojë e nga të dojë.

Dhe ky “kallëp” (e mjaft si puna e këtij) ka kurajon të bëjë shaka e të tallet me Enver Hoxhën e 50 – 60 viteve më parë, kur “profi” i ardhshëm bënte edhe ky zbore ushtarake, bënte aty gallata e citonte faqet e Shvejkut, lidhte rrypin sipër vitheve dhe bënte edhe foto nostalgjike nëpër mullarët ku dremiste e thyente nga pak vapën e sezonit. Pa imagjinoni pak sikur (mos o “zot”) t’i mbushet mendja ndokujt prej fqinjëve tanë të na sulmojnë!Sepse nuk “na kanë sulmuar vetëm turq, italianë e gjermanë” siç na kujton “profi”, duke na rekomanduar që “t’i kthehemi historisë tonë”, por edhe fqinjët. Ata edhe më keq se të parët. Sepse na kanë pushtuar e na kanë përzënë nga tokat tona simiza, na kanë shtypur, vrarë e përcëlluar si minj, na kanë rrafshuar e na kanë bërë të hamë llucë kur flisnim në gjuhën amëtare. Çfarë nuk na kanë bërë këta fqinjët tanë! Dikur, “kapedanët” e tyre mburreshin se kush e kishte kaçilen më plot me … sy të nxjerë shqiptarësh.

Enver Hoxha me të vërtet dështoi. Ai nuk diti të orientohej në këtë botë globale ku lufta merte dhe bëhej me forma të ndryshme. Bëhej edhe ashtu siç ja imponuan atij e nuk kuptonte gjë, shpif e intrigo për bashkëpuntorin, ngjall spiunazhin, izolo dhe blloko gjithëçka në emër të lirisë, mashtro madhështinë e tij me Marksin, sajo armiq e tradhëtarë edhe nëpër rradhët e qumështit e kaq! Por pikërisht pse u bë kështu, te ne u bë një një rrumpallë që nuk e mori vesh i pari të dytin. Por për mbrojtjen!? Aty nuk ka sepse ta marësh atënëpër gojë ore “trim i xha Jahos”. Mbrojtja është instikt! Më gjuajte do ul kokën të mbrohem e do të gjuaj, ja këtu përmblidhet krejt taktika e strategjija deri edhe ushtrive më moderne, e jo më e vendeve “langaraqe”, sidomos siç jemi katandisur ne sot. Na hape barkun profesor. Na tregon edhe aleanca pa le! E cili është ai vend që lidh aleancë me vende të mara fund, me vende që nuk dijnë se si mbahet pushka, seç’është topi, mortaja, me vende që nuk kanë rini të mjaftueshme por vetëm “profesorë”?

Sikur baba yt i nderuar të kishte qenë partizan e ta kishe pyetur, me siguri që do të kishte spjeguar se po qe se në atë kohë do dilte malit partizan, gjëja më e parë që do të bënte ishte të gjente ndonjë pushkë apo kobure si gjithë të tjerët. Më pas vinin ato të tjerat e të tjerat, e deri te ato ku fillon e tallesh ti. Por pa ja bërë bam o “profe”, ai që të pushton, ai vjen e të zhduk, të zgërlaq, të le më mes të rrugës e të përze si qen nga sytë këmbët. E dëgjove atë të madhin e Amerikës se çfarë ju tha palestinezëve të Gazës? Aty do ngrihen rezorte pushimi, ju tha, e ju do ikni. Ndryshe do të …. zhdukeni.

Ç’na ka gjetur! I mban mend o profesor…o ata një miljon shqiptarët e Kosovës në deportimin që pësuan gjatë luftës për çlirim? U çlirua nga NATO Kosova, por u derdh paraprakisht gjaku i 1500 ushtarëve heroik të UÇK që ariti të mobilizojë deri në mbi 17 mijë trupa në atë luftë aq barbare. Nuk ka aleanca duke pirë kafe e shitur dëngla. Nuk gjendet në këtë botë aleanca siç ato që kërkon ti o “profe”, nuk ka budallenj që të vriten për llogarinë tënde e ti të tundësh zinxhirin nëpër auditore. Aleancat nuk janë OJF-ra, por marveshje ekzistenciale! Nuk ka aleanca pa garanci, së pari popull që duhet të sakrifikojë nga fëmija e deri te plaku, së dyti trupa të freskët dhe së treti e më e rëndësishmja interesi. Pa këto nuk ka marveshje profesor, sikur naaa…ta bësh dhëmbin.

E tani mblidhe mëndjen i “dashur” profesor, lerua (bashkë me mua e me këdo tjetër) këtë punë ushtarakëve, atyre që e njohin luftën dhe që i njohin ligjet e saj. Ti do të bëje mirë t’u kërkoje të falur studentëve të tu që fut hundët aty ku nuk mer vesh asgjë (në se jep mësim) dhe t’u kërkoje të falur përgjithësisht “popullsisë” tënde për frymën disfatiste që përpiqesh të mbjellësh (natyrisht pa dashje). Dhe në fund fare, të rekomandoj të mos meresh më me Enverin se nuk fiton dot më pikë nga ai. Boll se u bëtë bozë! Lereni atë me gabimet e me të mirat, me krimet dhe me nderet e veta. Ti po ja ke takatin meru me “enverët” e pas vitit 1990, meru me atë kryekriminelin që jo vetëm demotivoi shqiptarët, por shkriu hekur e avionë, plasi pushkë e nuk la plumb pa trazuar në dëm të tyre. Meru me atë pra, me atë që shiti e tenton ende ta shesë lirinë e popullit tek armiqtë tanë më të egër.