Ambasadori i BE-së në Shqipëri: Menaxhimi i financave publike, në thelb të procesit të integrimit

Ambasadori i BE-së në Shqipëri, Silvio Gonzato është shprehur se menaxhimi i fondeve publike është në thelb të procesit të integrimit.

Prezantimi i Strategjisë për Menaxhimin e Financave Publike, Gonzato u shpreh se kjo duhet të bëhet në mënyrë transparente dhe me llogaridhënien e duhur.

“Është çështje që qëndron në thelb të politikbërjes por edhe llogaridhënies, elementë të rëndësishëm për të ardhëm pasi ofron themelin për politikat e shëndetshme makrofiskale,  përcakton edhe rregullat me anë të të cilave punimet u ofrohen fushave të ndryshme, politikave të ndryshme apo investimeve”, u shpreh ai.

“Jemi në fazat përfundimtare dhe ky dokument do të ofrojë orientime dhe bashkërendimin e duhur të reformave për menaxhimin e financave publike, natyrisht do të bëhet në një sërë institucionesh.

Puna bashkërenduese do të jetë shumë e rëndësishme dhe komiteti drejtues ofron platformën më të mirë të mundshme pikërisht për këtë gjë.

Në fillim mendova “obobo do të jetë një gjë tejet teknike”, është teknike por nuk është teknokratike. Është çështje që qëndron në thelb të politikbërjes por edhe llogaridhënies, elementë të rëndësishëm për të ardhëm pasi ofron themelin për politikat e shëndetshme makrofiskale,  përcakton edhe rregullat me anë të të cilave punimet u ofrohen fushave të ndryshme, politikave të ndryshme apo investimeve. Përcakton edhe mënyrën se si arrihen këto burime financiare përmes tatimeve, doganave, borxhit publik.

Do të tregojë efikasitetin e shpenzimeve publike, të gjitha këto gjëra do të duhet të bëhen në mënyrë transparente dhe me llogaridhënien e duhur. Kjo është arsyeja pse menaxhimi i financave publike është edhe në thelb të procesit të integrimit europian sepse kjo lloj strategjie prek shumë kapituj në procesin e anëtarësimit si p.sh. kapitulli që ka të bëjë me administratën publike, kriteret e ekonomike, me prokurimet publike etj. Kapituj nga më të ndryshëm, kanë të bëjë me çështjet themelore të integrimit. Kjo në vetvete tregon se sa të rëndësishme janë reformat e menaxhimit të fondeve publike për qeverisjen e mirë në vend por edhe në funksionimin e demokracisë, kjo pasqyrohet në faktin që udhërrëfyesi për reformën e administratës publike përfshin reformën për FMN”, tha Gonzato.

j.l./ dita