AMP ekzekuton 22 masa sigurie në Policinë Rrugore të Kukësit, efektivët nuk i hidhnin gjobat në sistem

Agjencia e Mbikqyrjes Policore, AMP ka dalë mbrëmjen e sotme me një njoftim ku ka bërë me dije se ka ekzekutuar 22 masa sigurie.

Masat e sigurisë janë ekzekutuar ndaj 22 punonjësve të policisë në Kukës.

Më tej në njoftim raportohet se policët akuzohen për veprat penale “Vjedhje duke shpërdoruar detyrën” dhe “Shpërdorim detyre”.

6 prej tyre janë në arrest me burg ndërsa 16 të tjerët janë nën masën “detyrim paraqitje”.

Në njoftim bëhet me dije se këto masa u morën pas hetimeve disa mujore me metoda speciale nën drejtimin e Prokurorisë ku u bë e mundur dokumentimi me prova ligjore i abuzimit të punonjësve të policisë së qarkullimin rrugor, në rastet e konstatimit të shkeljeve nga ana e drejtuesve të mjeteve me targa të huaja.

Më tej, po ashtu thuhet se gjobat e vendosuara për automjetet me targa të huaja, ishin vjelur në vend nga agjentët verifikues dhe shumat e parave nuk ishin arkëtuar, duke ngritur dyshime të përvetësimit të tyre nga punonjësit e policisë që i kishin vendosur ato gjoba.

Gjithashtu është publikuar edhe lista e policëvë të cilit nuk regjistronin gjobat dhe i mbanin për vete paratë.

Ata janë Krenar Molla, Gasper Gjeta, Armand Shehu, Ndoc Pjetri, Armir Hallaçi, Marjan Bolaj, Kastriot Gjini, Gilbert Kapxhiu, Arsim Braha, Gramoz Dafku, Shuaip Gjuta, Artan Pellumbi, Agron Nika, Zenel Axhemi, Asqeri Xhelo, Ismail Petku, Gjovalin Tushaj, Gjelosh Laska, Flavio Ademi, Bardhok Çupi dhe Alfred Tushaj.

Gjobat e pa arkëtuara të vendosura për automjetet me targa të huaja nga agjentët verifikues të Njësisë së Sigurisë së Autostradave Milot-Morinë për periudhën 01.01.2023 deri në datë 31.12.2023 ishin në vlerën 1,279,000 lekë, që me kamatë vonesat e përllogaritur me 60%, shuma shkon në total rreth 2,123,140 lekë.

Kjo shumë e pa arkëtuar për 160 gjoba në total dyshohet se u përvetësua nga punonjësit e Njësisë së Sigurimit të Autostradave Milot-Morinë.

j.l./ dita