Gazetari dhe analisti i njohur, Ilir Yzeiri, thotë se kreu i Bashkisë së Tiranës, Erion Veliaj, është kryebashkiak i suksesshëm. Në një intervistë për A2 CNN, ai u shpreh se Bashkia e Tiranës është sot një nga institucionet më të suksesshme të vendit, qoftë për punët që janë bërë në qytet, ashtu edhe për punësimet.
“Bashkia e Tiranës është sot një nga institucionet më të suksesshme që ka ky vend, në të gjitha anët edhe për punët që bën, edhe për punësimet. Erion Veliaj është kryetari i bashkisë dhe personi më i suksesshëm në qeverisjen e këtij vendi. Kryeministri dhe kryetari i bashkisë marrin vendime kolegjiale, nuk marrin vendime vetë. Si kryetar bashkie e ka të kufizuar vendimmarrjen e tij për të bërë korrupsion. Ç’përgjegjësi ka kryetari i bashkisë që ka 2 mijë punonjës, se çfarë bëjnë drejtorët e tij?!”, deklaroi Yzeiri.
