Aktorja amerikane Angelina Jolie apeloi për donacione për Turqinë dhe Sirinë, pas tërmeteve shkatërruese nga të cilët humbën jetën mijëra njerëz. “Zemra ime është me popullin e Sirisë dhe Turqisë.
Është e vështirë të kuptosh dhimbjen e paimagjinueshme që kaq shumë familje po përjetojnë në këtë kohë”, shkroi ajo në Instagram. Ylli i Hollivudit tha se edhe ajo ka dhuruar dhe se shpreson se edhe të tjerët të bëjnë të njëjtën gjë, për të lejuar ekipet e shpëtimit të vazhdojnë punën e tyre për shpëtimin e personave që gjenden ende të bllokuar nën rrënoja.
Ajo ndau fotografi nga zonat e tërmeteve të të dy vendeve dhe një link për të gjithë ata persona që duan të kontribuojnë. Ndër fotot e publikuara është edhe ajo e një babai që shihet duke mbajtur dorën vajzës së tij, e cila ndërroi jetë nën rrënojat në Hataj, një foto e cila bëri xhiron e rrjetit.
m.b./dita
