Anijet që kanë flamurin shqiptar janë në “listën e zezë” të Emirateve të Bashkuara Arabe dhe nuk lejohen të lundrojnë në ujërat e tyre territoriale.
Shqipëria është në këtë listë së bashku me shtete si Koreja e Veriut, Kongo, Guinea dhe Tanzania.
Së fundmi listës i është shtuar edhe Kameruni.
Anijet me flamurin e shtetit të Afrikës Qendrore nuk lejohen të lundrojnë në ujërat e Emirateve të Bashkuara Arabe, pasi kanë një rol të rëndësishëm në kontrabandimin e naftës ruse.
Sipas raportimeve, qindra tankera me naftë ruse, e transferojnë ngarkesën e tyre në anije me flamuj të shteteve të mësipërme, duke falsifikuar edhe dokumentetet, për të fshehur vendin e origjinës dhe shmangur sanksionet e Perëndimit.
Një aktivitet i tillë ndodh kryesisht shumë pranë brigjeve të porteve të mëdha të Greqisë.
Po Shqiperia pse ndodhet ne kete liste?
Arsyeja nuk ka te beje me naften ruse.
Por sepse Anijet shqiptare u renditën për të shtatin vit radhazi në ‘listën e zezë’ të performancës nga Memorandumi i Parisit – një organizatë me 27 vende anëtare që kryen inspektime mbi standardet e anijeve në Europë.
Sipas kesaj organizate anijet shqiptare janë klasifikuar si mjete lundruese me rrezik të lartë për operatorët ndërkombëtarë.
Nga të dhënat rezulton se në anijet shqiptare u kryen mbi 55 inspektime gjatë periudhës 2020-2022, nga të cilat anijet me flamur shqiptar u bllokuan 8 herë.
Prania e anijeve shqiptare në listën e zezë është tregues se ato do të inspektohen sa herë që do të prekin porte të Bashkimit Evropian.
Arsyet e ketij klasifikimi qe na turperon dhe qe duhet permiresuar ne menyre urgjente jane gjendja teknike e anijeve, vjetërsia, higjena, problemet në punësimin dhe përvojën e kualifikimit të marinarëve.
a.c/dita
