Apeli i GJKKO la të pa ndryshuar masën e arrestit në burg për Bujar Shegën, arrestuar si pjesë e organizatës kriminale që drejtohej nga Suel Çela.
52-vjeçari, u ekstradua nga Itali në Shqipëri në prill të këtij viti, i konsideruar si truri financiar i organizatës së Suel Çelës në Elbasan.
52-vjeçari me dy emra, i njohur dhe si Marsel Shega është administrator i dy kompanive Viola Green dhe Wonder Green, përmes të cilave dyshohet se pastronte paratë e disa grupeve, përfshirë të organizatës së Suel Çelës dhe gjithashtu të një grupi me bazë në Dubai, që ka investuar në Tiranë në pasuri të paluajtshme.
