Ushtria izraelite ka publikuar pamjet video të vrasjes së Yahya Sinwar, kreu i Hamas dhe ideatori i sulmeve të 7 tetorit.
Ai shfaqet i plagosur në një kolltuk, dhe tenton të godasë dronin që po e filmon.
Sipas informacioneve të deritanishme, Sinwar ka qëndruar me orë i plagosur dhe mandej u ekzekutua siç shihet nga fotot me kafkë të shqyer dhe një qitje depërtuese në mollëzën e majtë.
Sipas mediave të huaja vetëm pasi u vra, u identifikua kush ishte. Nuk ka qenë një sulm i organizuar me synim vrasjen e tij, por godina u godit pasi tre vetë hapën zjarr ndaj rekrutëve dhe u strehuan aty.
SHBA tha se po konsultohet me agjencitë e saj të spiunazhit në terren për të verifikuar informacionin.
Nëse konfirmohet vdekja e Sinwarit, kjo do të ndikonte ndjeshëm në përpjekjet e SHBA-së për të arritur marrëveshje armëpushimi në rajon.
Kush është Jahja Sinwar?
- Yahya Sinwar lindi në kampin e refugjatëve Khan Younis në Gazën jugore në vitin 1962.
- Familja e tij ishin refugjatë nga Majdal Askalan, ose ajo që u bë Ashkelon, pas krijimit të Izraelit në 1948.
- Sinwar kaloi 22 vjet të jetës së tij në burgjet izraelite, pasi dyshohet se kishte planifikuar rrëmbimin dhe vrasjen e dy ushtarëve izraelitë në vitin 1988. Ai u lirua në vitin 2011 si pjesë e një marrëveshjeje të shkëmbimit të të burgosurve.
- Sinwar pasoi Ismail Haniyeh si udhëheqës të Hamasit në Gaza në vitin 2017. Ai u bë udhëheqësi i grupit pasi Izraeli vrau Haniyeh në korrik.
- Pas sulmit të 7 tetorit në jug të Izraelit, të cilin ai akuzohet si organizator, ushtria izraelite e përshkroi atë si një “të vdekur që ecën”.
Sinwari dhe Gaza ne Palestine nuk huhej te bente ate masaker ne 7 Tetor.
Ata i dhane shansin Izraelit te arrinte qellimin, ta rrafshonte Gazen, dhe tani se fundi Libanin Jugor.
Eshte idiotizem te luash valle ne goje te ujkut. Le ta rregulloje keto vargje grupi polifonik.