Në ditën e katërt, të fundit të armëpushimit, Izraeli mori një listë me 11 pengjet e fundit, të cilët duhet të lirohen sot pas 52 ditësh në robëri të Hamasit.
Mediat e huaja raportojnë se familjet ende nuk janë njoftuar nëse të dashurit e tyre janë në listë.
Organizata militante palestineze është zotuar të lirojë gjithsej 50 gra dhe fëmijë të rrëmbyer në Gaza në këmbim të lirimit të 150 palestinezëve nga burgjet izraelite, nëse marrëveshja nuk zgjatet në kushte të reja.
Hamasi njoftoi se në ditën e tretë të ndërprerjes së armiqësive me ushtrinë izraelite, liroi 13 pengje izraelite, si dhe katër të huaj.
Hamasi tha se dëshiron të zgjasë armëpushimin edhe pas përfundimit të armëpushimit katërditor, në një përpjekje për të liruar më shumë palestinezë nga burgjet izraelite.
Armëpushimi i rënë dakord tashmë përfshin një dispozitë për ta zgjatur atë me një ditë shtesë për çdo dhjetë pengje që Hamasi pranon të lirojë.
Presidenti amerikan Joseph Biden foli me kryeministrin izraelit Benjamin Netanyahu për situatën në Rripin e Gazës dhe ata ranë dakord të vazhdojnë të bashkëpunojnë për lirimin e pengjeve të mbetura.
Biden përshëndeti lirimin e pengjeve nga Hamasi gjatë tre ditëve të fundit, duke përfshirë një vajzë amerikane.
j.l./ dita
