Rasti i këngëtarit të njohur Gjesti po merr përmasa gjithnjë e më serioze.
Gjykata Themelore në Prishtinë ka vendosur masën e paraburgimit prej një muaji për artistin, ndërkohë që detaje tronditëse kanë dalë në dritë nga dosja e tij, duke zbuluar një ngjarje që shkon përtej një konflikti të thjeshtë artistik.
Mbi Gjestin rëndojnë plot tri vepra të rënda penale: “Mbajtje e armëve”, “Kanosje” dhe “Asgjësim”.
Ky tension lidhet drejtpërdrejt me kompaninë muzikore “Onima”, me të cilën këngëtari ka një kontratë aktive bashkëpunimi.
Ai akuzohet për tentativë të dëmtimit të kësaj kompanie pas mosmarrëveshjeve të thella mes tyre.
Kujtojmë se pak kohë më parë, vetë Gjesti kishte bërë një deklaratë publike ku shprehej se ishte i detyruar të tërhiqej nga tregu muzikor dhe të anulonte të gjitha koncertet e tij, pikërisht për shkak të kësaj kontrate bllokuese.
Por, situata duket se ka degraduar deri në kërcënime me jetë.
Sipas raportimeve, episodi më i rëndë që rëndon mbi këngëtarin është një moment ekstrem kanosjeje: Një situatë e ngjashme e frikshme ka ndodhur më parë, ku raportohet se këngëtari kishte arritur deri në atë pikë sa të drejtonte armën, e gjitha kjo një skenë e rëndë e ndodhur në sy të vajzës.
Këto detaje rrëqethëse kanë lënë të shokuar opinionin publik dhe fansat e tij, ndërkohë që ngjarja mbetet në duart e drejtësisë për t’u zbardhur e plotë.
Lidhur me këtë, psikologia Atifete Syla ka thënë se Gjesti mund të ketë përjetuar një gjendje emocionale të rënduar.
Ajo theksoi në emisionin “Weekend”, se kjo mund të lidhet me tragjedinë që i ndodhi vëllait dhe izolimin prej gjashtë muajsh nga spektaklet televizive.
“Ai ka mundësi të vuajë nga stresi posttraumatik për shkak të tragjedisë së vëllait të tij, gjendja emocionale është shumë e rënduar, por kjo aspak nuk e justifikon sjelljen e tij”, tha Syla.
j.l./ dita
