“Asnjë universitet tjetër në vend nuk e ka bërë këtë”, Rama: Në 2030, UBT do të jetë antena e BOKU-t të Vjenës

Kryeministri Edi Rama ka marrë pjesë sot në një aktivitet për Universitetin Bujqësor të Tiranës.  Rama tha se asnjë universitet në Shqipëri s’e ka bërë këtë që po bën UBT.

Ai shtoi se në asnjë universitet në Shqipëri nuk mund të gjesh sot për sot këtë perspektivë që ka hapur kjo reformë, sipas tij, reale evropiane, rrënjësore në UBT.

Gjithashtu Rama u shpreh se UBT ka kaluar dy faza në historinë e vet. Rama kujtoi takimin me rektorin e atëhershëm të Universiteti Boku të Vjenës duke u shprehur se ai ishte i “frikësuar” pasi në zyrë i kishte shkuar “shefi i madh i mafias shqiptare”.

Ai shtoi se aty nisën diskutimin e parë dhe duke e përshkruar atë si njeri civil dhe të mirësjellshëm.

Rama tha se në 2030 UBT do të jetë antena e BOKU-t të Vjenës.

Ai u shpreh se është arritur një reformë që ka bërë diçka radikale, ka spostuar procesin e bërjes së kurrikulave nga duart e shefave të Departamenteve në duart e një komisioni të brendshëm dhe të vetë studentëve.

Ai tha gjithashtu se Shqipëria që së shpejti anëtarësohet në BE ka nevojë për ata që përgatit Universiteti Bujqësor i Tiranës sepse Shqipëria njësoj si Europa dhe gjithë bota përballet me ndryshime klimaterike.

Rama tha se grupkapitujt për bujqësinë e zhvillimin rural si kusht për hapjen e negociatave me BE-në, janë një dhimbje e madhe koke për Shqipërinë.

Ai shtoi se mungesa e dijes është problem për vendin tonë.

“Kemi jo një konsulent por një bashkëudhëtar që i di të gjitha ato për të cilat ne kemi nevojë, falë Bardhi Sallakut që mos ngatërrohemi, se këta Bardhët e djathtë janë lloj-lloj, ky është Bardh i ndriçuar. Ne arritëm të kemi një reformë që ka bërë diçka radikale, ka spostuar procesin e bërjes së kurrikulave nga duart e shefave të Departamenteve në duart e një komisioni të brendshëm dhe të vetë studentëve.

Mua më bind që në 2030 UBT dhe Bokut do jenë një dhe UBT do të jetë antenat e BOKU-t. Shqipëria që së shpejti anëtarësohet në BE ka nevojë për ata që përgatit Universiteti Bujqësor i Tiranës sepse Shqipëria njësoj si Europa dhe gjithë bota përballet me ndryshime klimaterike”, tha Rama.

“Ky territor ka nevojë për forcat e reja që pa paragjykime, me shumë qartësi e informacion duhet të trokasin në derën e UBT. Në kapitujt e negociatave për anëtarësim Bujqësia dhe zhvillimi rural, janë një kapitull më vete. O nëne o nënë, realisht. Ata pedagogë këtu që merren me pjesën e direktivave europiane e dinë shumë mirë, mjedisi dhe ndryshime klimatike është kapitull më vete, siguria ushqimore, politika veterinare më vete, të gjitha këto bashkë janë dhimbja më e madhe e kokës për një vend si ne. Po dhimbja më e madhe është se ne kemi probleme që të tjerët nuk i kanë pasur, kurse neve na duhet dije. Na duhen shumë njerëz të ditur dhe patjetër që baza është ky Universitet. Nuk bëhet kjo me miell të huaj, sado që të marrin ekspert, na duhet ky brumë që kjo furrë po bëhet gati për ta pjekur“, tha Rama.

j.l./ dita