Një person u vra dhe 3 të tjerë u plagosën në një sulm me armë të ndodhur mbrëmjen e së mërkurës në një lokal në fshatin Runik të Skenderajt.
Mediat në Kosovë raportojnë se viktima është N.L., 39-vjeçar i cili është edhe i biri i pronarit të këtij lokali.
Dëshmitarët në vendin e ngjarjes kanë treguar se autori i krimit ishte veshur me rroba ushtarake dhe ka qëlluar me breshëri në drejtim të njerëzve që gjendeshin në lokal pa pasur një objektiv të caktuar.
“Kemi qenë 10 deri në 12 persona. Ka pasur muzikë. Një person ka shtënë me kallashnikov dhe ka qenë i veshur me rroba ushtarake. Edhe pesë minuta pasi që kanë ndodhur të shtënat nuk kemi lëvizur vendit, nga frika që kemi pasur”, theksoi Gashi.
