Hetimet ndaj gjigantëve të Barcelonës kanë nxjerrë në dritë prova të reja që kompromentojnë ekipin spanjoll. Barcelona akuzohet se pagoi në mënyrë të paligjshme Negreira Sanchez, ish-zëvendës presidentin e Bordit Teknik të Arbitrave spanjolle.
Mediat spanjolle kanë publikuar disa fatura që Barcelona i ka paguar djalit të Negreira Sanchez-it për analizën e videove të ndeshjeve të Kombëtares së Spanjës dhe kombëtareve të tjera.
Nëse këto fatura dhe fakte vërtetohen, atëherë Barcelona mund të përjashtohet nga ligat deri në 5 vjet. Edhe pse prokuroria mendon se Barcelona paguan më shumë, deri më tani ka identifikuar 2,971 milionë euro fatura dhe është përpjekur të gjejë se me çfarë shërbimesh korrespondojnë.
Për video analizë u konstatua se janë paguar afërsisht 3 milionë euro. Sipas rregullores disiplinore aktuale të RFEF, ekziston mundësia që Barcelona të bjerë nga La Liga apo edhe të përjashtohet nga ky kompeticion deri në 5 vjet, përveç gjobës, nëse konstatohet se ai i ka paguar arbitrat për fitim.
m.b./dita
