Barcelona mori pak më parë tre pikë të arta në “Camp Nou”, që e afrojnë edhe më shumë drejt fitores së La Liga Santander, kur kanë mbetur edhe pesë javë. Megjithatë, djemtë e Xavi Hernández vuajtën shumë kundër Osasuna, (finaliste e Kupës së Mbretit këtë vit), e cila rezistoi me 10 lojtarë për rreth 70 minuta, për shkak të përjashtimit të fillestarit Herrando, në pjesën e parë. Ishte minuta e 84’ kur Jordi Alba, i ardhur nga pankina, prishi baraspeshën dhe lëshoi çmendurinë në “Spotify Camp Nou”, duke thirrur “Kampionë, kampionë”. Ndërkohë, njerëzit e Jagoba Arrasate, të rrënuar nga rotacionet dhe disa lojtarë vendas, tashmë po i kushtojnë vëmendje ngjarjes historike të së shtunës së ardhshme, në finalen e Copa del Rey, kundër Real Madridit. Barça ndodhet 14 pikë diferencë nga Reali, që po luan në Sociedad dhe nëse fiton rikthehet tek 11 pikë distancë, kurse nëse barazon apo humbet, mund të lejojë katalanasit që javën e ardhshme të shpallen kampionë matematikisht.
