Bayern Munich nuk di të ndalet dhe konfirmon edhe një herë dominimin e tij absolut në futbollin gjerman. Bavarezëve u mjaftonte vetëm një pikë përballë Stuttgartit për të siguruar matematikisht titullin kampion të Bundesligës, por ata zgjodhën ta festonin këtë arritje me një spektakël të vërtetë përpara tifozëve të tyre në “Allianz Arena”.
Skuadra bavareze tregoi forcën e saj të frikshme duke e mbyllur takimin me rezultatin e thellë. Gjithësesi barazpesha fillestare u thye pikërisht nga miqt të cilët në minutën e 21-të kaluan në avantazh me Furich. Por brenda 10 minutave lojë, saktësisht në të 31-tën Guerriero dhe më pas 2 minuta më vonë Jackson, kaloi skuadrën e Kompany në avantazh. Pas rreth 5 minutash të tjera Davies shënoi edhe golin e tretë si për të siguruar suksesin duke i çuar skuadrat në dhomat e zhveshjes në mbyllje të pjesës së parë me shifrat 3-1. Në pjesën e dytë ishte i përhershmi Harry Kane që shtoi emrin e ti në listën e golashënuesëve duke çuar rezultatin në 4-1, ndërsa pak përpara vfërshëllimës përfundimtare goli i Andres thjeshtë ngushtoi diferencën në 4-2, por që nuk ndryshoi asgë sa i përket fatit të takimit.
Ndonëse komoditeti në renditje ua lejonte një qasje më të qetë, Bayerni ofroi një futboll total, duke e dominuar Stuttgartin në çdo aspekt të lojës. Që nga minutat e para, vendasit imponuan ritmin e tyre, duke e kthyer fushën në një arenë dominimi dhe duke mbyllur çdo diskutim për fituesin shumë përpara fërshëllimës finale.
Ky sukses vjen si kurorëzim i një sezoni ku Bayerni dëshmoi vazhdimësi, karakter dhe një thellësi cilësore që rivalët e tjerë nuk arritën ta përballojnë dot deri në fund. Pas përfundimit të ndeshjes, stadiumi shpërtheu në festën legjitime të kampionëve. Fusha u pushtua nga entuziazmi i lojtarëve dhe stafit, të cilët festuan këtë triumf të radhës, duke rikonfirmuar statusin e tyre si mbretërit e padiskutueshëm të Gjermanisë.
Ky titull nuk është thjesht edhe një trofé i radhës. Është kampionati i dymbëdhjetë për Bayern-in në trembëdhjetë vitet e fundit, një dominim që nuk ka të barabartë në futbollin evropian. Vetëm sezoni 2023-24, kur Bayer Leverkusen i Xabi Alonso ndërpreu serinë e titujve të njëpasnjëshëm të bavarezëve.
Nga këndvështrimi i golave, sezoni 2025-26 tanimë ka shkruar historinë e Bundesligës. Bayern ka shënuar 109 gola në këtë kampionat, rekordi absolut i të gjitha kohëve i Bundesligës, duke tejkaluar rekordin e mëparshëm prej 101 golash, i cili u vendos gjithashtu nga Bayern-i në sezonin 1971-72, me legjenda si Gerd Müller dhe Franz Beckenbauer.
Ky rekord kishte qëndruar i paprekur për 54 vite. Goli i 102-të, ai që theu rekordin, u shënua nga mesfushori Leon Goretzka ndaj St. Pauli më 11 prill, kur kishin mbetur ende edhe 5 javë për të luajtur.
Kompany-i dhe skuadra e tij kanë arritur mesataren e 3.5 golave për ndeshje, nivel ky që tejkalon edhe sezonin rekord të Hansi Flick, skuadra e të cilit mesatarisht shënoi pak nën 3 gola për takim. Edhe fillimi i sezonit ishte historik: Bayern theu rekordin e AC Milan-it të vitit 1992-93 duke fituar 13 ndeshjet e para të sezonit, rekordi më i mirë i fillimit të kampionatit në pesë ligat kryesore të Evropës.
Në këtë sezon do të ketë edhe një modifikim të trofeut dhe do të jetë hera e parë që trofeu ndryshohet që kur u zmadhua në vitin 1960.
Harry Kane, me 32 gola në 26 ndeshje, mbetet simbol i kësaj makine sulmuese. Kampionët bavarez sot nuk festuan vetëm titullin, por një epokë të suksesshme.
j.l./ dita
