Qeveria sllovene njoftoi të enjten se do të ndalonte tregtinë e armëve me Izraelin për shkak të luftës së vazhdueshme në Rripin e Gazës, duke thënë se Bashkimi Evropian nuk ishte në gjendje të ndërmerrte një hap të tillë.
“Sllovenia është vendi i parë evropian që ndalon importin, eksportin dhe tranzitin e armëve për në dhe nga Izraeli“, tha qeveria sllovene në një deklaratë, duke vënë në dukje se po vepronte në mënyrë të pavarur.
Vendimi u mor sepse BE-ja, sipas Lubjanës, “nuk është në gjendje të marrë masa konkrete (…) për shkak të mosmarrëveshjeve të brendshme dhe mungesës së unitetit”.
“Njerëzit po vdesin sepse janë të privuar sistematikisht nga ndihma humanitare” në Rripin e Gazës dhe është “detyrë e çdo shteti përgjegjës të ndërmarrë veprime, edhe nëse kjo do të thotë të ecë përpara“, vazhdoi qeveria e Sllovenisë, e cila njohu një shtet palestinez në qershor 2024.
Qeveria sllovene sqaron se nuk ka dhënë licenca për eksportin e armëve ose pajisjeve të tjera ushtarake në Izrael që nga tetori 2023, për shkak të luftës në enklavën palestineze.
Në fillim të korrikut, Sllovenia ndaloi hyrjen në territorin e saj të dy ministrave të qeverisë izraelite të ekstremit të djathtë, duke i akuzuar ata për nxitje të “dhunës ekstreme” dhe “shkeljeve serioze të të drejtave të njeriut” kundër palestinezëve, për shkak të deklaratave që ata i konsideruan se promovonin gjenocidin.
j.l./ dita
Bravo,te tjeret nuk kane këllqe
Po cka e pengon Izraelin Sllovenia nuk shet arme Izraelit ,dhe Izraeli ka ruge tjera per tranzit nuk i duhet aspak Sllovenia .
A vallahi po, tashti qe Sllovenia nuk do t’i jape arme Izraelit shpetoi GAZA. Sepse mu kujtua ajo perralla e bretkoces qe pa kaun dhe tha sa i madh qenka, pse te mos behem edhe une ashtu dhe u fry e u fry deri sa plasi.
Thank you Slovenia but since you don’t export even a hairpin to Israel find it difficult to understand what exactly you are banning.