Pasi në fillim të muajit dhjetor u miratua bonusi prej 5 mijë lekësh për pensionistët, në mes të po këtij muaji u zgjerua harta e shpërblimit për të gjitha kategoritë, nga përfituesit e ndihmës ekonomike, invalidët, ata me pension social apo aftësi të kufizuar.
Por në një njoftim të fundit të drejtorit të Përgjithshëm të Institutit të Sigurimeve Shoqërore, Astrit Hado, thuhet se këtë bonus do e marrin dhe ata që kanë pension familjar apo janë invalidë të punës.
“Me VKM nr. 819, datë 28.12.2023, është miratuar një bonus shtesë prej 5,000 lekësh, për festat e fundvitit, për të gjitha PENSIONET FAMILJARE dhe për të gjithë përfituesit e pensionit si INVALIDË TË PUNËS. Ky shpërblim mund të merret përgjatë gjithë vitit 2024”, shkruan Hado në Facebook.
j.l./ dita
