Përfaqësuesi i Lartë i Bashkimit Europian për Politikë të Jashtme dhe Siguri, Josep Borell, tha në Bruksel, ku po mbahet një takim i nivelit të lartë në kuadër të dialogut ndërmjet Beogradit dhe Prishtinës, se është koha që marrëveshja drejt rrugës për normalizimin e marrëdhënieve të fillojë të zbatohet seriozisht dhe që sot të bëhet e qartë nëse palët janë të gatshme të marrin përgjegjësi.
“Kam pritur presidentin Aleksandër Vuçiç dhe kryeministrin Aljbin Kurti në një takim të nivelit të lartë në kuadër të dialogut në Bruksel. Është koha që të fillojmë seriozisht zbatimin e marrëveshjes në rrugën e normalizimit.
Sot do të shohim nëse ata janë të gatshëm të marrin përgjegjësi”, ka shkruar Borell në platformën X (Twitter).
Pas takimeve të ndara në Bruksel, rreth orës 11:30 filloi takimi trepalësh i përfaqësuesve të Beogradit dhe Prishtinës me përfaqësuesit e Bashkimit Europian në kuadër të raundit të ri të dialogut.
