Janusz Bugajski, analist i DITA nga SHBA dhe njohës i çështjeve të Ballkanit Perëndimor, ka reaguar ndaj sekretarit amerikan të Shtetit, Antony Blinken.
Ky i fundit dënoi ashpër aksionin e Policisë së Kosovës në veri, por Bugajski ka tjetër mendim.
Bugajski “refuzimin” e SHBA-së për të “njohur” kryetarët e ri të komunave në veri e ka krahasuar me refuzimin e Trump-it për të mos njohur rezultatin e zgjedhjeve të fundit presidenciale në SHBA.
“Është ekuivalenti i dënimit të certifikimit të Kongresit Amerikan të zgjedhjeve të 2020 dhe legjitimimit të kryengritjes së 6 janarit”.
Ai thotë se mbështetja e SHBA për Vuçiqin po destabilizon rajonin.
Është koha për të mbështetur një revolucion demokratik në Serbi dhe njohjen e Kosovës nga të gjitha shtetet evropiane”, shkroi Bugajski në Twitter.
‘Nëse Uashingtoni dhe Brukseli duan që Ballkani Perëndimor të bëhet pjesë në një botë të sigurt transatlantike, ata duhet të kënë një qasje më të ashpër.
Qeveritë aktuale në Serbi dhe Hungari që ndjekin shembullin e Moskës nuk mund të shndërrohen në demokratë model dhe anti-imperialistë. Zbutja e Perëndimit thjesht i nxit ambiciet dhe vendosmërinë e tyre për të qëndruar në pushtet.
Një politikë efektive do të duhej të fokusohej parësisht mbi forcimin e integritetit dhe sovranitetit të Bosnje-Hercegovinës, Malit të Zi dhe Kosovës dhe, njëherazi, mbi frenimin e ndikimeve të mbrapshta në rajon të Beogradit.
Përndryshe, SHBA dhe BE thjesht do të vazhdojnë të luajnë lojërat e rrezikshme të Moskës dhe do të pyesin veten pse kriza i është përplasur sërish në fytyrë” – shkruan analisti i njohur në komentin e tij të para dy javëve në DITA.
We strongly condemn the actions by the Government of Kosovo that are escalating tensions in the north and increasing instability. We call on Prime Minister @albinkurti to immediately halt these violent measures and refocus on the EU-facilitated Dialogue.
— Secretary Antony Blinken (@SecBlinken) May 26, 2023
