Gjykata e Lartë ka caktuar gjyqtaren qe do të shqyrtojë rekursin e kryebashkiakut të Tiranës Erjon Veliaj, kundër vendimit të gjykatës së Apelit të Posaçëm.
Veliaj kërkon ndryshimin e masës së sigurisë “arrest me burg”.
Relatore e rekursit është caktuar gjyqtarja Albana Boksi. Vendimi për caktimin e relatores mban datën 13 qershor.
Boksi është diplomuar në Fakultetin e Drejtësisë në Shkodër dhe ka një master në të drejtën penale. Ajo ka shërbyer në gjykata të ndryshme, duke u ngjitur deri në Gjykatën e Posaçme Kundër Korrupsionit dhe më pas në Gjykatën e Lartë, ku është emëruar në vitin 2021.
Në procesin e rivlerësimit të gjyqtarëve e prokurorëve, të njohur si veting, Komisioni i Pavarur i Kualifikimit nuk ka gjetur probleme serioze në lidhje me figurën e saj, duke i hapur rrugën vazhdimit të karrierës në Gjykatën e Lartë
Kujtojmë se Veliaj ndodhet në qeli që prej 10 shkurtit të këtij viti.
n.s. / dita
