Tirana bën vetëvrasje përballë Bylisit dhe praktikisht i “fal” titullit kampion Partizanit. Bardheblutë barazuan 2-2 në Rrogozhinë me ekipin ballshiot, ndërsa të kuqtë fituan 1-4 me Kastriotin në “Elbasan Arena”, duke i marrë kreun Tiranës, falë avantazhit në ndeshjen e drejtpërdrejtë. Një fund “triller” i këtij kampionati, që do të ketë ende për të “shfaqur” në javën e fundit.
Skuadra kampione e Shqipërisë dhe skuadra e dytë që do të presë biletën për në Kategorinë e Parë do të vendosen në javën e fundit të kampionatit. Verdikti i vetëm përfundimtar, që dhanë rezultatet e javës së 35-të, është rënia matematikisht e Kastriotit në të Parën. Në sfidën e zhvilluar në Rrogozhinë, dygolëshi i Hilës nuk mjaftoi për fitoren e bardhebluve, pasi skuadra ballshiote barazoi dy herë, fillimisht me Danladi, më pas me Adilin.
Sa i përket takimit të “Elbasan Arenas” mes Kastriotit dhe Partizanit, të parët shënuan krutanët me Grecën, por përmbysja erdhi shumë shpejt me golat e Rrapajt e Da Silvës që në pjesën e parë, ndërsa në fraksionin e dytë shënuan edhe Murataj me Sotën.
Në javën e fundit, Partizani, tashmë kryesues, pret Teutën, ndërsa Tirana luan në transfertë me Erzenin. Të dyja ekipet ndajnë nga 64 pikë, teksa bardheblutë praktikisht e kanë të humbur titullin, pasi ndodhen në dorën e Teutës, që luan për të siguruar vendin e katërt dhe Conference League, teksa ndiqet nga Vllaznia me një pikë më pak dhe Erzeni që luan rënien direkte dhe play-off nëse nuk merr pikë me Tiranën ndeshjen e fundit dhe Bylis fiton me Vllazninë, duke ndërruar vendet mes tyre. Kastrioti ♪7shtë e vetmja skuadër që ka rënë matematikisht dhe s’luan për asgjë.
Superliga – java 35-të:
Kastrioti 1-4 Partizani (Greca 9′ / Rrapaj 40′, da Silva 45′, 65′, Murataj 59′)
Tirana 2-2 Bylis (Hila 24′, 54′ / Danladi 28′, Adili 87′)
Kukësi 0-0 Erzeni
Teuta 1-0 Egnatia (L. Vila 3′)
Vllaznia 1-1 Laçi (Balaj 47′ / Guindo 73′ (p))
Java 36 – e fundit:
E hënë, 29 maj 2023 – 16:00
Bylis – Vllaznia
Egnatia – Kukësi
Erzeni – Tirana
Laçi – Kastrioti
Partizani – Teuta
