Temperaturat e ulëta dhe reshjet e dëborës janë rykthyer në Qarkun e Dibrës. Reshje dobore kanë përfshire zonat si Lura, Selishta, Kala e Dodës, fshatrat e Sllovës, ku trashësia e borës arrin deri në 5 cm, kryesisht në Lurë, Selishtë, Kala e Dodës.
Gjithashtu ulja e temperaturave dhe prania e borës shkakton dëme në bujqësi dhe në frutikulturë. Ndërkohë, borëpastrueset janë në gatishmëri në rrugën nacionale Peshkopi-Kukës.
Policia e Shtetit u ka bërë thirrje drejtuesve të mjeteve për shkak të reshjeve të dëborës në veri të vendit, kryesisht në qarkun e Shkodrës, Kukësit dhe Dibrës.
Drejtuesit e automjeteve, policia i këshillon të ulin shpejtësinë dhe të ruajnë distancën e sigurisë me mjetet e tjera. Policia thekson rëndësinë e ndjekjes së udhëzimeve të shërbimeve të saj në terren dhe shmangien e udhëtimeve të panevojshme, sidomos në zonat malore ku reshjet kanë qenë më intensive.
Për qytetarët që detyrohen të udhëtojnë në zonat e prekura nga dëbora, rekomandohet që automjetet të jenë të pajisura me goma dimërore dhe zinxhirë për të evituar aksidente dhe bllokime në rrugë. Ndërkohë, borëpastrueset dhe fadromat janë angazhuar intensivisht për pastrimin e rrugëve dhe hedhjen e kripës për të përmirësuar kushtet e lëvizjes.
Njoftimi i policisë:
Si pasojë e motit të keq me reshje dëbore në Dibër, Kukës dhe Shkodër, Policia e Shtetit apelon për KUJDES TË SHTUAR për drejtuesit e automjeteve dhe motomjeteve.
Drejtuesit e automjeteve këshillohen të ulin shpejtësinë dhe të ruajnë distancën e sigurisë me mjetet e tjera. Është e rëndësishme të respektohet sinjalistika rrugore, të ndiqen udhëzimet e shërbimeve të Policisë Rrugore dhe të shmangen lëvizjet e panevojshme në zonat me vështirësi qarkullimi, kyesisht në zonat malore. Në rast të udhëtimeve në zonat e prekura nga reshjet e dëborës, automjetet duhet të jenë të pajisura me goma dimërore dhe zinxhirë.
Borëpastrueset dhe fadromat vijojnë intensivisht punën për pastrimin e borës dhe hedhjen e kripës. Në rast nevoje, telefononi në numrin pa pagesë 112 dhe shërbimet e Policisë do t’ju vijnë menjëherë në ndihmë.
j.l./ dita
Doja të bëja koment për artikullin e Artan Dukës “Krekosje, për çmime të kripura”
Një BRAVO të madhe autorit famoz për thellësinë e trajtimit të problemit.
Në këtë vend është e vërtetë që paga si në Afrikë dhe çmimet si në Amerikë.
Me futjen në BE (nëse ndodh) litari më shumë do t’i shtrëngohet në fyt pjesës më të madhe të popullit, sepse paga është bërë tamam si pare xhepi, kjo do të thotë që jeta çdo ditë bëhet më e pajetueshme në këtë vend dhe politika gjithnjë e më shumë antipopullore(gjithë politika shqiptare)
Në progamet telivizive jeta shqiptare pasqyrohet sikur ne jetojmë si në vendet e Beneluksit, kapërdisje, fodullëk, dënglaxhinj., njërëz pa vlera dhe merita, debate pa vlera kur në shumicën e rasteve duken sikur po merren me një sport të ri, “sportin e kacafytjes” ku realiteti reflektohet me
shumëllojmëri ngjyrash kur dominon
ngjyra gri, aksidente, ngjarje tragjike
varfëri ekonomike në rritje, mirëqënia materiale në rënie, mungesa e vlerave dhe varfëria shpirtërore duke u theksuar, degjenerimi moral dhe shoqëror ka arësye objektive të kapi majat.
Tani shihen, në kohë zgjedhjesh fytyrat dhe karakteret e ndotura të klasës politike shqiptare në përgjithësi.
Ku do të na shpini me mashtrime bajate, ku të gjithë që ju vinë pas vinë për interesa personale se nëse e kanë seriozisht për atë që kërkojnë, është një përgjegjësi për jetët e qytetarëve shqiptarë, për miradministrimin e buxhetit të limituar shqiptar.
Zoti na ndihmoftë se politika është e verbuar nga makutëria e pabesueshme e grabitjes totale.