Presidentja dhe Kryeministri i Kosovës, kanë deklaruar pasurinë e tyre për vitin 2022 në Agjencinë Kundër Korrupsionit.
Si pasuri të paluajtshme, Kurti ka deklaruar banesën me 67 metra katrorë në vlerë prej 400 mijë euro, në emër të bashkëshortes.
Ai ka thënë se ka para të gatshme në bankë në vlerë prej 119.58 euro, ndërsa bashkëshortja e tij ka të kursyera 10 mijë euro.
Kryeministri gjithashtu ka deklaruar se bashkëshortja e tij ka detyrime kreeie prej 250 mijë eurosh në afat për 24 vite, të marrë për blerjen e banesës.
Nga të ardhurat vjetore, Kurti ka deklaruar se nga detyra e kryeministrit merr 16,647.69 euro, ndërsa ka thënë se të ardhurat personale nga Lëvizja Vetëvendosje i janë ndërprerë nga momenti që e ka filluar detyrën si kryeministër i Kosovës.
Presidentja Vjosa Osmani
Presidentja Osmani ka treguar se ajo dhe bashkëshorti i saj, Prindon Sadriu kanë Pasuri të Paluajtshme prej 970 mijë e 760 euro.
Këtë vit, ata kanë blerë një banesë që kap shifrën prej 520 mijë euro dhe është regjistruar në emër të Prindon Sadriu.
Media e Prishtinës, Nacionale, shkruan se “nga mënyra se si është deklaruar kjo pronë, Nacionale nuk ka arritur ta kuptojë se ku saktësisht ndodhet”.
“Tek pronat e paluajtshme, prona në Marigona Hill dhe toka në Lagjja e Gjelbër nuk janë ende në pronësi të deklaruesit e as të bashkëshortit sepse ende nuk janë paguar e as ndërtuar në tërësi,” – ka thënë presidentja e vendit.
Siç është deklaruar në APK, kjo banesë është blerë me të ardhurat e siguruara nga shitja e një shtëpie në Australi që ishte në pronësi të z. Sadriu, nga shitja e shtëpisë së prindërve, nga kursime dhe nga hua familjare.
Presidentja ka deklaruar edhe një baneaë tjetër, në lagjen Marigona, e cila i vlen 170 mijë euro.
Është deklaruar gjithashtu një veturë Mercedes Benz e blerë në vitin 2022 dhe që ka vlerë 12 mijë euro.
Presidentja Osmani i ka edhe rreth 300 euro para të gatshme.
