GJKKO deklaroi të fajshëm ish-deputetin socialist, Jurgis Çyrbja dhe e dënoi me 3 vjet burg për akuzën e “tregimit të sekretit shtetëror”, “përkrahje të autorit të krimit”, “korrupsion në zgjedhje”.
Për shkak të gjykimit të shkurtuar, dënimi i tij u ul në 2 vjet heqje lirie.
I bashkëpandehuri i tij, Altin Hajri, u dënua në mungesë me një vendim përfundimtar prej 2 vitesh burg për “korrupsion në zgjedhje” dhe “tregim të sekretit shtetëror”.
Ndërsa i pandehuri i tretë i dosjes, Ahmet Masha, u dënua me 1 vit e 8 muaj biurg. Masha u fajësia për “tregim të sekretit shtetëror” dhe “përkrahje të autorit të krimit”.
Për çfarë akuzohet Çyrbja ?
Ish-deputetit socialist Jurgis Çyrbja është arrestuar më datë 28 tetor të vitit të kaluar. Ndaj ish-deputetit janë 3 akuza, konkretisht: “Tregimi i sekretit shtetëror nga shtetasit”, kryer më tepër se një herë, “Përkrahja e autorit të krimit”, kryer më tepër se një herë si dhe për korrupsion aktiv në zgjedhje.
Çyrbja akuzohet se informonte Altin Hajrin dhe persona të tjerë që kërkohen nga autoritetet shqiptare, në rast se do kishte operacione policore për kapjen e tyre në qytetin e Durrësit. Në kompensim të ketij favori, Çybrja kërkonte vota për kandidimin e tij në qarkun e Durrësit në zgjedhjet parlamentare të vitit 2021. Për të njejtën çështje, me urdhër të SPAK u arrestua edhe Ahmet Masha, ndërsa është shpallur në kërkim Altin Hajri, i cili po gjykohet në GJKKO për rrëmbimin dhe zhdukjen e Jan Prengës.
j.l./ dita
