Stafi i Atalantës por edhe ai i kombëtares shqiptare marrin lajme të këqija nga Berat Gjimshiti.
Qendërmbrojtësi pati një problem fizik në çastet e fundit të ndeshjes me Milanin pas një përplasjeje me Origin, me sulmuesin belg që e goditi 29-vjeçarin, i cili la fushën e lojës për t’u zëvendësuar nga Okoli.
Qendërmbrojtësi iu nënshtrua ekzaminimeve mjekësore që zbuluan një frakturë në një nga kockat e kërcirit të majtë të Gjimshiti me këtë të fundit që parashikohet të qëndrojë jashtë fushave të lojës për 2 muaj që do të thotë se nëse konfirmohet kjo prognozë, Gjimshiti do të kthehet në fushat e lojës në fund të muajit tetor.
Në këtë mënyrë, Gjimshiti rme shumë gjasa do të humbasë dy ndeshjet e Kombëtares për Nations League ndaj Islandës dhe Izraelit që do të luhen në 24 dhe 27 shtator.
Ndërsa në Serinë A ai ka shumë të ngjarë që mungojë në 9 sfida mes të cilave ato me Romën, Fiorentinën dhe Lazion.
Ndërkaq, Berat Gjimshiti ka nisur fazën e kurimit të parashikuar në programin e riaftësimit të tij.
j.l./ dita
