Artikulli përmend edhe shumat e mëdha të paguara për disa ndërhyrje kirurgjikale estetike që ka bërë bashkëshortja e Metës, Monika Kryemadhi.
Më poshtë pjesë nga artikulli i “Kronen Zeitung”:
Dëshmitari kërkon mbrojtje në Vjenë: thriller për Presidentin e Shqipërisë
Një dëshmitar i cili u fsheh në Austri për shkak të kërcënimeve me vdekje akuzon rëndë kreun e shtetit të Shqipërisë. Në akuza përfshihet edhe ceremonia e inaugurimit të Donald Trump
Lotët i rrjedhin nëpër faqe, duart i dridhen, zëri i dridhet. Frika e tij është e dukshme, gjatë një takimi me “Krone” në një vend sekret. Ai erdhi në Austri për shkak të frikës së një atentati. Ajo që tregon në prani të disa avokatëve të njohur vjenezë, të bën të ndalesh dhe të mendosh. Provat që ai ka, mund të tronditin peizazhin politik të Shqipërisë.
Presidenti Ilir Meta (53 vjeç) ka mbajtur jo pak poste në karrierën e tij. Ai themeloi partinë Lëvizja Socialiste për Integrim, të cilën e drejtoi deri në vitin 2017. Ka qenë kryetar i Parlamentit për disa vite dhe është President i Republikës që nga viti 2017.
Përgjatë viteve qarkulluan flukse parash, burimin e të cilave dëshmitari e përshkruan nga veprime “thellësisht të korruptuara”.
Më 20 janar 2017, Meta ndau një foto të tij dhe një kolegeje partiake në inaugurimin e Donald Trump. Për të fituar akses në inaugurimin dhe zyrtarët republikanë, ata lobuan me zell përmes një kompanie guaskë qipriote. Kostoja: 700,000 dollarë.
Deri më sot, është e paqartë se kush e ka paguar këtë shumë. Vetë Meta pretendon se është ftuar nga republikanët. Por sipas disa dokumenteve hetimore amerikane, 700,000 dollarët kaluan nga një jurist i afërt me Metën përmes kompanisë offshore “Dorelita Limited”.
Pak javë para inaugurimit u lidh një kontratë mes palës LSI dhe kompanisë, e cila parashikonte pjesëmarrjen në inaugurim. Pas kësaj, Meta u bë edhe president.
Shqipëria kufizohet me Kosovën, Malin e Zi, Maqedoninë dhe Greqinë.
Vendi ka rreth 2.9 milionë banorë. Shqipëria është anëtare e OKB-së, NATO-s dhe që nga viti 2014 edhe kandidate për anëtarësim në BE.
Vitet e fundit është bërë përparim në aspektin ekonomik dhe social. Megjithatë, Shqipëria konsiderohet ende një nga vendet më të korruptuara dhe më të varfra në Evropë…
Duke qenë se lobimi me pagesë është i vështirë për t’u menazhuar në pozicionin e tij, kontrata u ndërpre. Por u lidh menjëherë një kontratë të re me “Dorelitën”, e cila nuk ka asnjë aktivitet biznesi.
Në listën e tyre të dyshimtë të shpenzimeve: 50 mijë euro në muaj për takime me senatorë amerikanë, darkë, udhëtime dhe me sa duket edhe operacione estetike për zonjën Meta, Monika Kryemadhin, e cila mori kryesinë e LSI-së nga bashkëshorti i saj.
Në çdo rast, akuzat rëndojnë dhe prezumimi i pafajësisë vlen për çiftin politik…”
a.c./dita
E mbylli mw turp Likja
Shkon e zihet edhe me policat
Hajde shtetar hajde
Për të fituar akses në inaugurimin dhe zyrtarët republikanë, ata lobuan me zell përmes një kompanie guaskë qipriote. Kostoja: 700,000 dollarë
Kjo 700 – ja qenka shifer e dashur, me kujtohet video e ish ministrit te ndjere.
Ne mos gabohem ne kete eveniment te Trump kemi edhe zj.Hajdari qe me shume kenaqesi e nderuara dita na I jep me foto ne lulishten ku beheshe party I Trump.
Lobim për interesat e Metës dhe të familjes së tij apo për interesat e Shqiperise?
Duhet të botohet materjalet përkatëse.
A ka të tjera personalitete politike që kanë bërë të njejtën gjë?
Ky asht politikan hajdut imoral vrasës batakçi tana zezat i ka. Për këtë ikun Shqiptarët se na kan komandu njerzit pa vizion dhe hajduta. Kalbeni mrena qenin.
Per keto lloj investimesh u folshume dhe per Ramen me mc conigall por ama rama e mbylli dhe as SPAK dhe as BKH nuk ja mbajti te hetonin ! Tani dalin hajdutet patronazhiste te “rilindjes ” e te akuzojne ! Metes ja bejne mire seper nje pjate Ngjala pruri Ramen ne pushtet, por ama jane te dy mashtruesit dhe hajdutet me te medhenj.