Ambasadori i Shqipërisë në Malin e Zi, Ridian Kurtezi ka dënuar dhunën ndaj profesor Petraq Milos në pikën kufitare të Murriqanit.
Në një intervistë televizive, Kurtezi tha se ambasada ka pasur reagim të menjëhershëm mbi rastin sapo është njoftuar më 15 janar. Sipas tij, u është kërkuar autoriteteve që të identifikohen policët dhe të marrin dënimin e duhur.
“Reagim dhe pakënaqësi në opinionin publik në Shqipëri dhe Mal të Zi. Ai s’duhet të ndikojë në ecurinë e marrëdhënieve shumë të mira mes vendeve tona. Kemi pas angazhim të menjëhershëm. Më datë 15 janar ambasada në Podgoricë është njoftuar se në Muriqan ka ndodhur një incident i dhunshëm, mbi Petraq Milon.
Që u keqtrajtua nga dy policë. Pasi kam mbledhur disa foto dhe fakt nga terreni, është kërkuar që të identifikohen oficerët dhe të dënohet rasti. Më datë 17 shkurt u identifikuan policët dhe i ka kërkuar pikës kalimit pamjet filmike dhe një raport të detajuar. Më 6 shkurt komisioni i etikës hapi hetimin policor që është mbyllur dje”, tha ambasadori Kurtezi.
m.b./dita
