Draft-statuti i Asociacionit të komunave me shumicë serbe, po vazhdon të jetë në qendër të diskutimeve. Ndonëse ky draft-statut ende nuk është publikuar zyrtarisht, zëdhënësi i Bashkimit Eurupian, Peter Stano ka thënë se propozimi i BE-së nuk është bërë publik pasi përpjekjet diplomatike janë në vazhdim.
Stano i është përgjigjur pyetjeve të “TV Dukagjini”, ku ka thënë se se nuk do t’i zbulojnë dokumentet zyrtare publikisht si informacion që konsiderohet sekret diplomatik.
“Lidhur me draft-statutin e Asociacionit të Komunave Serbe, mund të kujtojmë vetëm se një propozim i ri i balancuar evropian për themelimin e Asociacionit të Komunave iu paraqit partnerëve përkatës nga EUSR për dialogun e Beogradit në Prishtinë gjatë vizitës së tij në rajon në fund të muajit tetor. Më pas u diskutua me të dyja palët gjatë takimit të liderëve në margjinat e Këshillit Evropian”, shtoi më tej Stano.
p.k\dita
