Vendet e Ballkanit po përballen me një valë të nxehti e cila sipas ekspertëve, pritet të sjellë temperaturë 40 gradë Celsius, që nuk janë fort të zakonta për qershorin.
Instituti Kombëtar i Shëndetësisë Publike i Kosovës (IKSHPK) ka dalë me disa rekomandime dhe këshilla se si qytetarët të mbrohen nga nxehtësia, duke u kërkuar që të shmangin daljet jashtë dhe të mos kryejnë aktivitete të rënda gjatë periudhës më të nxehtë të ditës.
Në të gjithë rajonin sakaq, zjarrfikësit po përballen me paralajmërime për më shumë vatra zjarri, teksa vala e nxehtësisë vazhdon intensifikimin.
Në vendin tonë të mërkurën u arrit të viheshin nën kontroll dhjetëra vatra zjarri.
Ndërkohë, një sërë banesash u përfshinë nga flakët këto ditë në jug të Kroacisë, ku disa zona ende po përballen me pasojat e zjarreve dhe banorët janë detyruar të evakuohen gjatë fundjavës.
Nga kryeqyteti Zagreb në veri, deri në Dalmaci në jug, disa rajone do të jenë në nivelin më të lartë të paralajmërimit për rrezik nga zjarret dhe për probleme shëndetësore për banorët nga i nxehti, thanë autoritetet.
Dhe, në Serbi po ashtu janë lëshuar paralajmërime për shkak të temperaturave ekstreme, teksa të mërkurën në Beograd temperaturat arritën në 38 gradë, ndërkaq një ditë më vonë ato pritet të jenë 39 gradë Celsius.
j.l./ dita
Se mos na digjni lesht e ka..lit e na perveloni,o synoptika se avaz tjeter nuk keni!I nxehti Saharjan,i ftohti Siberian.
Per Ju cfare vdesin ne Dimer vdesin nga te ftohtit dhe cfare vdesin ne vere,vdesin nga te nxehtit.