Ish-presidenti Donald Trump është zbuluar se ka kryer një komplot të jashtëligjshëm për të përmbysur rezultatin e zgjedhjeve, tre muaj më parë ku ai nuk mundi të fitonte. Paneli i Kongresit që heton sulmin e Kapitolit në SHBA ka publikuar raportin e tij përfundimtar prej 824 faqesh. Sipas raportit, ish-presidenti del përgjegjës për sulmin masiv të Kongresit dhe për këtë arsye ai do ndalohet nga postetpublike në të ardhme.
Gjatë 18 muajve, komiteti mbajti 10 seanca dëgjimore publike dhe intervistoi më shumë se 1000 dëshmitarë, duke përfshirë zyrtarë dhe staf të administratës Trump, anëtarë të familjes Trump, oficerë policie të Kapitolit, protestues, anëtarë të milicisë dhe më shumë. Të hënën, paneli prej shtatë demokratësh dhe dy republikanë rekomandoi që departamenti i drejtësisë të hetojë zotin Trump i cili po zhvillon një tjetër fushatë në Shtëpinë e Bardhë – për ndihmën e një kryengritjeje dhe tre krime të tjera federale, shkruan BBC.
Kryetari demokrat i komitetit të përzgjedhur, Bennie Thompson nga Misisipi, shkroi në një parathënie të raportit me tetë kapituj se dikur ishte “e paimagjinueshme” që presidenti i Shteteve të Bashkuara të nxiste një turmë për të marshuar në Kapitol.
Këtu janë gjetjet kryesore, të cilat u publikuan të enjten në mbrëmje:
Grupet e ekstremit të djathtë kishin përçarje racizmi përpara trazirave të Kapitolit. Komiteti argumenton se zoti Trump vazhdoi të bënte pretendime të rreme për zgjedhjet, edhe pse ndihmësit i thanë atij se ishin të pavërteta. Komiteti tha se vendimi i zotit Trump për të deklaruar në mënyrë të rreme fitoren në natën e zgjedhjeve 2020 ishte “i paramenduar” dhe se vetëm avokati i tij, Rudy Giuliani, e mbështeti këtë veprim.
Presidenti vazhdoi të mbillte komplote zgjedhore gjatë javëve të ardhshme, megjithëse zyrtarë të lartë të administratës Trump dëshmuan se e informuan atë se pretendimet nuk ishin të vërteta.
Komiteti argumenton se sulmi në Kapitol u shkaktua nga vetë zoti Trump. Në raport gjithashtu komiteti argumenton se zoti Trump nuk ndërmori veprime kur filloi sulmi i 6 janarit dhe se ai injoroi paralajmërimet që vinin nga Kongresi se po shpalosej një sulm serioz.
Një pjesë e planit të zotit Trump për të qëndruar në detyrë u rrotullua rreth një leximi të diskutueshëm të Kushtetutës së SHBA, për të cilin ai besonte se e lejonte Zëvendëspresidentin Mike Pence, i cili do të kryesonte certifikimin e zgjedhjeve, ta shpallte atë fitues.
j.l./ dita
