Dosja “Partizani”, Berisha paraqitet në SPAK: Dumani po mbron Irena Gjokën

Kreu i Partisë Demokratike Sali Berisha është paraqitur paraditen e sotme në SPAK në zbatim të masës së sigurisë detyrim paraqitje.

Mësohet se Berisha doli nga ambientet e Prokurorisë së Posaçme pak minuta pas hyrjes në godinën e organit të akuzës teksa u prit jashtë SPAK nga mbështetësit e tij.

Pas daljes nga SPAK, Berisha foli edhe për mediat.

Kryedemokrati akuzoi drejtuesin e SPAK Altin Dumani se po mbron gjyqtaren e GJKKO, Irena Gjoka.

Kryedemokrati tha më tej se gjygjtarja e dosjes së tij, Irena Gjoka është dënuar në Greqi në burg, por sipas Berishës e ka mbajtur të fshehtë.

Ai theksoi se Irena ka marrë avokat dhe ka firmosur prokurë për ta përfaqësuar para drejtësisë greke.

Berisha u shpreh se Altin Hajri i ka paguar kreut të institucionit hetues, Altin Dumanit një shumë prej 700 mijë eurosh.

Duke folur për gazetarët jashtë ambienteve të SPAK, Berisha tha se ky fakt tregon se kemi të bëjmë me një preson të kapur nga krimi i organizuar.

Ai tha se për çështjen gjygjyares Irena Gjoka ka një padi edhe nga Adriana Kalaja.

Berisha theksoi se padia e tyre është dorëzuar në gjykatën e Tiranës.

Kryedemokrati tha se Këshilli i Lartë Gjyqësor (KLGJ) duhet të kishte shkarkuar Irena Gjokën brenda 15 ditëve, pasi KLGJ kishte konstatuar mashtrime zyrtare nga ana e saj dhe duhej ta dërgonte për ndjekje penale.

Berisha u shpreh se kemi të bëjmë me gjykatës të cilët në mënyrë antikushtetuese në kundërshtim flagrant me Kartën Europiane të të Drejtave të Njeriut janë në kontrollin total të kreut të SPAK Altin Dumanit.

Berisha tha para gazetarëve se ky përbën një problem në themel, të drejtësisë shqiptare. • Sipas Berishës, thuhet se, ata gati sa nuk është përleshur fizikisht me një gjykatëse që nuk ja ka zbatuar urdhërat, dhe sipas tij kanë shkuar dhe janë kanë rrëmbyer kompjuterin për ta terrorizuar.

Kryedemokrati ka deklaruar se në seancën e dytë gjyqësore ndaj tij në GJKKO do të përfaqësohet nga avokatët.

Ai tha para gazetarëve se është i gatshëm të paraqitet në seancë, por theksoi se do të këshillohet me përfaqësuesit ligjorë.

Gjithashtu ai u shpreh se nuk ka asnjë kundërshti për asnjë gjykatës konkret për çështjen e tij në themel.

Pjesë nga fjala e Berishës:

Në qoftëse i vetuari deklaron se, 60 milion lek mbi bazën e kësaj kontrate të firmosur në përputhje me nenin 801 të Kodit Civil në vitin 1996, në një kohë kur Kodi Civil i vitit 1996 ka patur gjithsej 230 nene, atëherë më thuaj mua; veting është ky? Ky është turp veting. Ky është një akt falsifikimi i turpshëm, i kapërdirë me urdhër nga të gjithë ata të cilët e kanë kaluar.

Mjafton ky fakt, mjafton kjo deklaratë e saj se unë kam marrë borxh tek ish-gruaja e burrit, në vitin 1996, me nenet e Kodit 2015, tregon se ajo është një mashtruese ordinere dhe tregon se ata që kanë firmosur vetingun e saj, janë të papërgjegjshëm dhe të korruptuar, të kompromentuar, cilido qoftë ai. Si mundet, këto janë evidente, janë të shkruara.

j.l./ dita