Dukagjini në turin e dytë të Conference League. Skuadra dardane po e shijon aventurën e parë europiane në histori, ndërkohë që sot u siguruar kualifikimi përballë Europa FC (Gjibraltari).
2-1 fitoi Dukagjini takimin e parë, teksa sot ia doli të triumfonte edhe në transfertë me rezultatin 2-3. Iljasa Zulfiu shënoi një dygolësh, ndërkohë që pati festë edhe për Arbër Shalën.
Tensioni nuk mungoi në këtë përballje. Vendasit e mbyllën takimin me nëntë lojtarë, teksa për skuadrën nga Klina u ndëshkua me të kuq Bujar Shabani pas gjysmë ore lojë.
Sukses historik ky për skuadrën e Armend Dallkut, që në raundin e dytë do të sfidojë kroatët e Rijekës.
