AktualitetKronike

Dyshohet se fotografuan fletët e votimit, policia shoqëron dy zgjedhës në Tiranë

Shërbimet e Policisë nga Komisariate Nr. 3 dhe Nr. 4 kanë shoqëruar dy shtetas, pasi dyshohet se ata kanë fotografuar fletën e votimit gjatë procesit të zgjedhjeve.

Aktualisht, ndaj tyre po kryhen veprimet hetimore dhe procedurale nën drejtimin e Prokurorisë, ndërkohë që autoritetet po zbatojnë ligjin për të garantuar një proces zgjedhor të qetë dhe të sigurt.

Policia e Tiranës ka bërë të ditur se do të informojë më tej publikun për zhvillimet e mëtejshme pas përfundimit të hetimeve. Ata kanë apeluar qytetarët për respektimin e rregullave të votimit, duke theksuar se çdo veprim që dëmton fshehtësinë dhe integritetin e votës përbën shkelje të ligjit dhe do të trajtohet me rigorozitet të plotë.

“Policia e Tiranës është e angazhuar maksimalisht për të garantuar sigurinë, rendin dhe zhvillimin e një procesi zgjedhor të qetë dhe të rregullt”,  theksoi Policia e Tiranës në një deklaratë zyrtare.

- Publicitet -

 

j.l./ dita

Shpërndaje këtë artikull