Volkan Demirel prej disa ditësh po qëndron në Shqipëri.
Sipas RTSH Sport, drejtuesit e klubit të Erzenit e kanë emëruar ish-portierin turk dhe ish-trajnerin e Hatayaspor në krye të stolit.
Demirel, figura e të cilit u bë emblematike gjatë tërmetit shkatërrimtar të Turqisë, mbeti pa skuadër pasi Hatayaspor e mbylli sezonin në muajin shkurt pas shkatërrimit të qytetit, ndërsa Demirel humbi nga ngjarja tragjike sulmuesin nigerian Christian Atsu bashkë me drejtorin sportiv Taner Savut.
42-vjeçari ishte i pranishëm në disa nga ndeshjet e kësaj mesjave në vendin tonë, përfshirë edhe derbin Tirana-Partizani.
Megjithatë të tjera burime thonë për Euronews se Demirel po vëzhgon disa lojtarë tek skuadra e Erzenit.
Sipas kësaj medieje 42 – vjeçari është i interesuar për Adnard Mehmetin.
Mesfushori ka zhvilluar një sezon të jashtëzakonshëm, ndërsa preferohet nga disa skuadra.
o.j/dita
