Policia e Tiranës ka identifikuar dhe arrestuar dy autorët e plagosjes me thikë të një 42-vjeçari ditën e sotme në kryeqytet.
42-vjeçari u paraqit në spital mëngjesin e sotëm me plagë në këmbë nga goditja me thikë, teksa tha se ishte qëlluar nga persona të cilët nuk kishte arritur t’i identifikonte.
Të arrestuar janë shtetasit V. M., 30 vjeç, dhe G. G., 33 vjeç, të dy banues në Tiranë.
Njoftimi i Policisë:
Në vijim të informacionit paraprak të dhënë ditën e sotme, shërbimet e Komisariatit të Policisë Nr. 4 kanë identifikuar dhe shoqëruar në ambientet e Policisë dy autorët e dyshuar, shtetasit V. M., 30 vjeç, dhe G. G., 33 vjeç, të dy banues në Tiranë.
Ditën e sotme, këto dy shtetas, për motive të dobëta dyshohet se kanë goditur me mjet prerës shtetasin G. S., 42 vjeç, banues në Tiranë.
Në vijim të veprimeve u bë arrestimi i tyre për veprën penale “Vrasja me dashje” mbetur në tentativë, kryer në bashkëpunim, parashikuar nga neni 76/22/25 i Kodit Penal.
Materialet i kaluan Prokurorisë.
i.b./dita
