Një ngjarje e rëndë është regjistruar pak minuta më parë në zonën e njohur si Qafë Buall, ku një masiv minerali që grumbullohej nga përpunimi i kromit është shembur, duke marrë me vete një mjet tip mjeti fadromë, me të cilin po punonte një i ri.
Nga shembja e stogut është çarë edhe një rezervuar uji që ishte krijuar nga puna e fabrikës së përpunimit të kromit të varfër, e për pasojë ka marrë me vete mjetin.
Në vendngjarje kanë mbërritur forcat e policisë e dhjetëra banorë, të cilët po kërkojnë për drejtuesin e mjetit fadromë.
Fabrika që përpunohej minerali i kromit ishte marrë me qera pak muaj më parë nga dy shtetas kinezë.
