Një ngjarje e rëndë është regjistruar ditën e sotme në Volos.
Një 40-vjeçar shqiptar raportohet se ka vrarë gruan e tij 36-vjeçare. Pas ngjarjes së rendë autori është arratisur.
Ngjarja e rëndë ka ndodhur në pallatin ku jeton familja në rrugën Konstanta.
Sherri filloi në apartamentin e tyre dhe çifti zbriti në hyrje të pallatit ku vazhduan të ziheshin.
Më pas, burri dyshohet se vrau gruan e tij gjithashtu shqiptare me një objekt të mprehtë dhe u largua nga vendi i ngjarjes.
Ngjarja e rëndë ka ndodhur në sy të njërit prej 4 fëmijëve.
Fëmija mësohet se ka deklaruar para policisë se ka parë babain e tij duke therur me thikë mamanë.
Mediat greke kanë raportuar se viktima ka vdekur nga gjakderdhja ndërsa plaga dyshohet se është shkaktuar nga një thikë ose nga përplasja në një dritare xhami.
Nga pamjet e publikuara nga vendi i ngjarjes duket dera kryesore e thyer e pallatit ndërsa ka dyshime se xhamat mund të kenë jenë ngulur në trup duke i shkaktuar vdekjen shqiptares.
Autori raportohet se është tullac, i veshur me pantallona të shkurtra gri dhe një bluzë të bardhë, me një tatuazh në krahun e djathtë.
Dyshohet se 40-vjeçari është larguar në këmbë, ndërsa vijon puna për kapjen e tij.
Katër fëmijët e mitur të çiftit ishin gjithashtu në apartament dhe u larguan nga policia.
Aktualisht, sipas informacioneve paraprake nuk ka histori të dhunës në familje.
40-vjeçari ishte përdorues droge dhe dyshohet se tentoi vetëvrasje qershorin e kaluar.
Vajza e viktimës raportohet se ka njoftuar ambulancën pasi ka parë nënën e saj të mbuluar në gjak.
Autori mësohet se vuante më parë nga problemet e shëndetit mendor. Ai ka qenë i kuruar për këto probleme por ende s’dihen shkaqet që nisi sherri në familje. Banorët e zonës thonë se asnjëherë nuk ka pasur probleme në familjen e tyre dhe nuk kanë qenë asnjëherë problem me fqinjët.
Ata gjithashtu kanë raportuar se në zonë u dëgjuan britma si nëpër filmat horror dhe kur shkuan panë skenën e rëndë të krimit. Ende nuk dihen shkaqet e sherrit që solli në agravimin e situatës deri në vrasje. Autoritetet greke kanë paralajmëruar qytetarët të mos i afrohen autorit i cili ndodhet në arrati në rast se e konstatojnë në ndodnjë vend. Ai konsiderohet i rrezikshëm dhe mund të mbajë ndonjë objekt të mprehtë me vetë dhe kanë kërkuar që në çdo rast të njoftohet policia.
j.l./ dita
