Në operacionin e kërkim-shpëtimit të personave të mbijetuar nga tërmetet që goditën të hënën Turqinë, janë dhe ekipet shqiptare dhe kosovare të ushtrisë.
Ditën e sotme, ekipi kosovar realizoi me sukses nxjerrjen nga rrënojat të një fëmije 2-vjeç.
Në njoftimin për media thuhet se ekipet e kërkim-shpëtimit të Forcës së Sigurisë së Kosovës që nga mëngjesi janë duke operuar me kapacitete të plota në Hatay të Turqisë, dhe përveç shpëtimit të fëmijës, janë duke bërë përpjekjet maksimale për të shpëtuar edhe nënën e saj që është e ngujuar në rrënoja.
FSK-ja tha se gjatë operacionit që janë duke realizuar, ekipet e saj në Turqi kanë hasur në viktima në objektet e kollapsuara, por se prioritet i tyre mbeten vendet ku janë detektuar persona të gjallë.
“Të gjitha ekipet e shpëtimit nga mbarë bota kanë dhënë prioritet për të shpëtuar sa më shumë jetë”, thuhet në njoftimin e ekipit të FSK-së.
m.b./dita
