Një shpërthim me eksploziv ka ndodhur pak pas mesante në Kamëz. Mësohet se banesa që i është vënë lënda plasëse është e deputetit demokrat Xhelal Mziu.
Si pasojë e shpërthimit ka pasur vetëm dëme materiale në murin rrethues të banesës.
Ndërkohë deputeti Xhelal Mziu ka deklaruar se nuk ka konflikt me asnjë person.
Para policisë, Mziu ka theksuar se në ato momente ndodhej në banesë vetëm me bashkëshorten e tij. Ndërkohë që më tej ka shtuar se nuk ka dyshime në asnjë person konkret që mund të jetë pas ngjarjes.
Siç shihet dhe në videon e mëposhtme të siguruar nga DITA, ora shënon 00:56 minuta pas mesnate në momentin e shpërthimit.
Shpërthimi dëgjohet në video.
Njoftimi i Policisë:
Kamëz/Informacion paraprak Rreth orës 00:55, dyshohet se në rrugën “Arjan Sala”, në murin rrethues të banesës së shtetasit Xh. M., është vendosur një sasi e dyshuar lënde plasëse. Si pasojë e shpërthimit janë shkaktuar vetëm dëme materiale. Grupi hetimor po punon për identifikimin dhe kapjen e autorit, si dhe për sqarimin e plotë të rrethanave të ngjarjes.
j.l./ dita
