Një shqiptar, 50 vjeç, është ekzekutuar në Selanik të Greqisë. Viktima është filmuar teksa debatonte me shoferin e një makine në një pikë karburanti.
Në një moment, ai ka tentuar ta godasë shoferin me një zinxhir, por pas kësaj është qëlluar me armë zjarri dhe ka rënë në trotuar.
Gjithçka është filmuar nga kamerat e sigurisë.
Sipas Protothema-s, viktima ka marrë të paktën 2 plumba. Ende janë të paqarta arsyet që çuan në këtë tragjedi. Një nga pistat lidhet me një borxh që dyshohet se i kishin njëri-tjetrit
Ngjarja ndodhi rreth orës 13:00 në rrugën Solonos në zonën e Analipsit.
Fillimisht shqiptari ka marrë plagë në shpatull dhe ka ndërruar jetë pak çaste më vonë. Në vendin e ngjarjes ka shkuar policia, ndërsa është identifikuar nga targat e makinës autori i kësaj ngjarjeje.
Ai është gjithashtu shtetas shqiptar dhe ka precedentë penalë, sipas njoftimeve të para të policisë.
— kakajason (@kakajason50) July 13, 2023
