EMRAT: Të shtëna me armë zjarri në Sarandë, plagosen dy persona, të rinjtë nisen drejt Traumës

Të shtëna me armë zjarri janë raportuar ditën e sotme në lagjen nr. 4 të Sarandës, pranë stadiumit të qytetit.

Bëhet me dije se Ernest Lama dhe Gëzim Hoxhaj janë dy personat që mbetën të plagosur nga të shtënat me armë zjarr.

Gjithashtu bëhet me dije se dy të plagosurit Lama dhe Hoxhaj janë nisur drejt spitalit të Traumës në Tiranë.

Ndërkohë, forca të shumta policie ndodhen në vendngjarje dhe kanë rrethuar zonën, ndërsa po punojnë për identifikimin e autorëve dhe zbardhjen e rrethanave të incidentit.

Në njoftimin e policisë thuhet se po vijon punën për identifikimin e autorit, zbardhjen e e rrethanave dhe dokumentimin e plotë ligjor të kësaj ngjarjeje.

Njoftimi i Policisë:

Sarandë/Informacion paraprak

Sot, rreth orës 15:00, në lagjen nr. 4, Sarandë, në rrethana ende të paqarta, dyshohet se janë plagosur me armë zjarri shtetasit G. H., 32 vjeç dhe E. L., 24 vjeç, të cilët pas ndihmës së parë mjekësore në spitalin e Sarandës, do të dërgohen drejt spitalit të Traumës, Tiranë, për mjekim të specializuar.

Grupi hetimor, nën drejtimin e Prokurorisë Sarandë, po vijon punën për identifikimin e autorit, zbardhjen e e rrethanave dhe dokumentimin e plotë ligjor të kësaj ngjarjeje.

j.l./ dita