Të shtëna me armë zjarri janë regjistruar në qytetin e Fierit gjatë orëve të mesditës së kësaj të premteje.
Ngjarja ka ndodhur pranë një qendre tregtare në qytet.
Altin Nika ka plagosur Dashamir Muçën, 50-vjeç, i cili ndodhet në spital nën kujdesin e mjekëve.
Sipas Policisë, ngjarja ka ndodhur pas një konflikti të çastit mes të dyve.
Shërbimet e Policisë kanë ngritur pika të shumta kontrolli, në të gjithë territorin e qarkut, me qëllim kapjen e Nikës.
“Rreth orës 13:15, në lagjen “11 janari”, dyshohet se pas një konflikti të çastit, shtetasi A. N., 52 vjeç, ka plagosur me armë zjarri, shtetasin D. M., 50 vjeç, i cili ndodhet në spital, nën kujdesin e mjekëve.
Vijon puna intensive për kapjen e shtetasit A. N. Grupi hetimor ndodhet në vendngjarje dhe po punon për zbardhjen e plotë të kësaj ngjarjeje”, njofton Policia.
j.l./ dita
