Drejtoria e Forcës së Posaçme Operacionale ka arrestuar një 45-vjeçare të shpallur në kërkim nga shteti italian për pjesëmarrje në organizatë kriminale në Itali, për trafikim të lëndëve narkotike.
Gjatë operacionit policor të koduar “Operacionalja 19”, u vu në pranga në qytetin e Durrësit me qëllim ekstradimi, shtetasja Edisnarda alias Edisnajda Shapka 45 vjeçe, lindur dhe banuese në Durrës.
Gjykata e Bolonjës i ka caktuar kësaj shtetaseje masën e sigurisë “Arrest në burg” për veprën penale “Trafikimi i narkotikëve”, kryer në kuadër të organizatës kriminale.
Vijon bashkëpunimi ndërmjet Interpol Tiranës dhe Interpol Romës, për ta ekstraduar këtë shtetase në Itali.
j.l./ dita
