Një polic në Shkozë është plagosur me armë gjatë natës ndërsa ndodhej jashtë shërbimit.
Anxhelo Kumaraku është transportuar në spital dhe është jashtë rrezikut për jetën. Sipas burimeve, 30-vjeçari është plagosur në këmbë.
Në momentin e ngjarjes, Kumaraku ndodhej pranë banesës së tij në shoqërinë e një fqinji, i cili rezulton në masën e sigurisë “arrest shtëpie” për armëmbajtje pa leje. Hetimet paraprake dyshojnë se objektiv i atentatit ishte pikërisht fqinji dhe se ngjarja mund të ketë lidhje me prishjen e pazareve të drogës.
Ndërkohë, mbetet ende e paqartë pse efektivi po shoqërohej me një person që po thyente arrestin e shtëpisë, veprim për të cilin Kumaraku nuk kishte njoftuar kolegët e tij.
Policia ka identifikuar dhe shpallur në kërkim autorin plagosjes në Shkozë.
Ende nuk dihet se cili ka qenë motivi dhe shënjestra e të shtënave me armë, teksa polici 30-vjeçar ndodhet jashtë rrezikut për jetën.
j.l./ dita
