Një i burgosur ka tentuar të arratiset nga Burgu i Fierit ditën e mërkurë.
Burime për mediat bëjnë me dije se bëhet fjalë për Bledar Selmanajn, i dënuar për vrasje.
Ngjarja është shënuar gjatë orëve të mbrëmjes, ndërsa Selmanaj ka tentuar të largohet nga ambientet e sigurisë së lartë, por është kapur në kohë nga efektivët e burgut.
Bledar Selmanaj rezulton të jetë vrasësi i Xhuljano Bullarit.
Ai ka tentuar edhe dy herë të tjera të arratiset nga burgu, por që ka dështuar.
Ditën e djeshme ai ishte në ajrim, kur tentoi arratisjen por u pikas nga gardianët e burgut dhe u ndalua.
Selmanaj ka çarë murin dhe ka dalë deri tek tarraca e godinës, duke u ngjitur nga ulluqet.
Këtë e ka realizuar me një thikë të improvizuar, duke gërmuar për disa kohë murin, teksa më pas e mbulonte me sende në mënyrë që të mos dallohej nga gardianët.
Pasi ka qëndruar aty, në pamundësi për të lëvizur, shërbimet e burgjeve kanë konstatuar se një i burgosur po tentonte të arratisej duke bërë te mundur neutralizimit e tij.
Materialet janë referuar në prokurori nga SHKBB ndërkohë vijojnë hetimet.
Kjo nuk është hera e parë që Selmanaj, i akuzuar për vrasjen e Xhuljano Bullarit, tenton te arratiset.
Për të, prokuroria ka kërkuar dënimin me burg përjetë, teksa ende nuk ka një vendim nga gjykata.
Pas kësaj tentative, mbetet për tu parë në rast se Drejtoria e përgjithshme e burgjeve, me miratim të Ministrisë së Drejtësisë do marrë apo jo vendimin për ta izoluar atë në regjimin e ashpër 41 biss.
j.l./ dita
Shtoj 5 vjet per cdo tentative, te shikoj nese do te arratiset.
Andej nga amerika ta shumezojne denimin (2x, 3x )burgun e perjetshem, kur dhe me nje nuk del nga burgu me kembet e tua.
Andej nga ajo amerika jote edhe ka denim me vdekje zotri prandaj mos e bej krahasimin.