Një situatë jo e zakontë në një parlament, dhe aq më shumë në Parlamentin Europian është regjistruar kësaj jave gjatë një seance plenare. Pasi kryeministri i Hungarisë, Viktor Orban përfundoi fjalimin para eurodeputetëve, një pjesë e këtyre të fundit filluan të duartrokasin dhe të këndonin këngën e famshme “Bella Ciao”, duke bllokuar përkohësisht procesin e seancës.
Pas rreth 20 sekondash nga kjo brohoritje, presidentja e Parlamentit, Roberta Metsola, mori fjalën duke u munduar të ndalojë këngën, ku tha se “Ky nuk është Eurovizion”.
Metsola, duke u munduar të mbante të qeshurën siç shihet në videon e mëposhtme u kërkoi zyrtarëve të pranishëm që të “respektonin dinjitetin e kësaj Dhome” pasi Presidentja e Komisionit Evropian Ursula von der Leyen ishte e radhës për të marrë fjalën dhe për të folur.
Orban sapo kishte paraqitur prioritetet e Hungarisë për Presidencën e saj mbi Këshillin e Bashkimit Evropian kur shpërtheu kjo skenë në Strasburg. Hungaria do ta mbajë këtë presidencë të BE-së deri në fund të vitit 2024.
“Bella Ciao” është një këngë italiane që e ka origjinën nga luftëtarët italianë të rezistencës në luftën e tyre kundër trupave pushtuese të Gjermanisë naziste gjatë Luftës së Dytë Botërore. Orban i Hungarisë është lideri i partisë së djathtë Fidesz në qeverinë hungareze – kryeministri hungarez është përballur me shumë kritika gjatë viteve për bindjet e tij politike.
j.l./ dita
Super
Bella Ciao eshte nje kenge popullore me motiv vuajtjet e nje sherbetore nga dhuna e Padronit. Origjinalin me kete text e gjeni me you tube te kenduar nga Milwa.Partizanet Italiane i ndryshuan textin,e bene kenge partizane,.
Ashtu si Dhora Leka vodhi hymnet cariste,gymnet e mbreterise Bullgare dhe marshet Prusiane,,i beri kenge Partizane.
Kryeministri Viktor Orban eshte ndoshta kryeministri me vizionar ne historine e Hungarise moderne dhe nje burre shteti, trim , largpames qe e ka bere Hungarine me nje zhvillim ekonomik te qendrueshem dhe popullin hungarez me nje mirqenje te admiryeshme. Burre shteti qe ka simpatine e udheheqesve te medhenj te botes si Biden, Xi Xinping, Macron, Putin, Meloni e te tjere te cilet e presin si nje burre shteti te madh dhe me respekt te merituar. Fjala e tij ne parlamentin europian eshte nje program pune per cdo shtet te BE se.