Evropa po vuan nga vala e parë e të nxehtit të verës, paralajmërime për të cilat u lëshuan në të gjitha vendet evropiane gjatë fundjavës.
Sipas BBC-së, për shkak të valës së të nxehtit në Londër, Britani e Madhe, temperaturat mund të rriten në 33 gradë Celsius.
Në të gjithë Anglinë dhe Uellsin, numri i të vdekurve nga e enjtja deri të dielën është rreth 570 persona.
Deri në drekë, temperatura në Aeroportin e Heathrow arriti në 31 gradë. Të shtunën, temperaturat parashikohet të arrijnë 32 gradë në juglindje të Anglisë, por e kishin arritur këtë nivel të enjten në Londër.
Siç shkruan The Telegraph , shkollat po anulojnë ditët sportive për shkak të motit tepër të nxehtë, dhe prindërit po fajësojnë mësuesit se po i “zbutin fëmijët” për shkak të kësaj.
Vala e të nxehtit nuk e ka kursyer as Francën. Le Monde raporton se që nga e enjtja, Franca ka përjetuar valën e parë të të nxehtit veror dhe në disa pjesë të vendit, temperaturat i janë afruar ose tejkaluar 35 0C, shpesh 10-15 0C mbi mesataren sezonale. Pritet që nxehtësia të intensifikohet të shtunën, duke arritur në 40 0C në disa zona jugore dhe perëndimore.
i.b./dita
Kur te shkoje 45,na lajmero te fikim kaloriferin.