Pavarësisht dëshirës së familjes për rrogën faraonike deri në 700 mln euro në sezon dhe pranimit të ofertës së Al Hilal, nuk ka qenë dakord sulmuesi Kylian Mbappé, duke e refuzuar përfundimisht Arabinë. Të paktën, nëse ngjarjet nuk merrnin një kthesë radikale në krahasim me situatën aktuale pasi sulmuesi francez refuzoi këtë të mërkurë çdo lloj negociate me përfaqësuesit e Al Hilal të pranishëm në Paris.
Sipas L’Équipe, Mbappé do të kishte thënë një ‘jo’ të madhe, duke mos ditur plotësisht faktin se mund të arrihet një mirëkuptim midis klubeve për rreth 300 milionë euro dhe gjithashtu duke injoruar paratë pa limit, duke mbrojtur fanellën e Al Hilalit në Arabi.
Delegacioni i grupit arab i pranishëm në Paris shpresonte që të mund t’i prezantonte projektin e tyre Mbappe-së, por, sipas informacioneve të gazetës franceze të lartpërmendur, ai e refuzoi plotësisht faktin e thjeshtë të uljes me përfaqësuesit në fjalë të Al Hilal.
Kujtojmë se të premten e kaluar Kylian Mbappé u la jashtë listës së të thirrurve nga Paris Saint-Germain për të kryer turin në Japoni dhe pikërisht në atë moment u shtua ndjenja se ai mund të ishte më afër se kurrë me Real Madridin. Më vonë u mësua për ofertën nga Al Hilal, por duket se sulmuesi francez, nëse përfundon bardhezi apo jo, ajo që e ka të qartë është se nuk dëshiron të përfundojë në Arabi.
