Familjarët e ish zëvendës drejtorit të Agjencisë Kombëtare të Informacionit, Daniel Shima, kanë denoncuar sot në polici zhdukjen e tij.
Ata kanë deklaruar para policisë se kanë humbur kontaktet me të prej paradites së sotme. Policia ka nisur menjëherë kontrollet.
Daniel Shima ka mbajtur për disa kohë postin e nëndrejtorit të AKSHI-t, detyrë nga e cila është larguar në vitin 2024.
Policia ka reaguar për zhdukje e ish-zv/drejtorit të Agjencisë Kombëtare të Shoqërisë së Informacionit. Blutë bëjnë me dije se ditën e sotme rreth orës 17:00 është paraqitur në komisariat nëna e Daniel Shimës, e cila ka bërë denoncimin se ka humbur kontaktet me djalin e saj. Ndërkohë Shërbimet e Policisë po punojnë për sqarimin e rrethanave të rastit dhe për gjetjen e tij.
Njoftimi i Policisë:
Tiranë/Informacion. Më datë 20.08.2025, rreth orës 17:00, në Komisariatin e Policisë Nr. 1 është paraqitur shtetasja M. Sh., e cila ka kallëzuar se ditën e sotme ka humbur kontaktet me djalin e saj, shtetasin D. Sh., 34 vjeç. Shërbimet e Policisë po punojnë për sqarimin e rrethanave të rastit dhe për gjetjen e tij.
j.l./ dita
